那準囝仔免上課

作者：趙OO 老師

　    讀冊、讀冊，越讀越冊；讀冊、讀冊，越讀越多。囝仔人的心聲，大人卡會攏無愛聽，囝仔人的心聲，大人卡會攏不知影。那會凍不免上課，不知有外好，不擱想罔想，卡早睡卡有眠，絕對是無可能那好康。

        大人常常地說愛到學校上課、讀冊，才有出息。說什麼「佚陶無了時」，不擱，囝仔人本來就愛玩，若會凍歸工玩好玩的佚陶物，扁來扁去，做家自想要做的代誌，自由自在，尚介好！那準囝仔免上課，甲意扁啥就扁啥，不但阮會真有趣味，學習的效果一定也真好才對，反洗會產生足多親像愛迪生的「天才兒童」。

　　我實在想攏無，是安怎大人那會認定，課本內底的物件，才是知識，才有路用，古早人曾經講過：「人情世故皆學問。」又擱講：「行萬里路卡贏看萬卷書」，只會曉讀冊，剩的啥物攏不曉，叫做「書呆子」。這種人要安怎佇社會生存。有的人明明不是讀冊的料，嗣大人偏偏逼伊讀，到尾啊感有可能有好的結果。所以，那準會凍給阮免上課，給阮自由去發展，阿是換別種的步數，吸引阮歡歡喜喜去學習，同款會凍學到足多的物件，安呢無足好？上課、讀冊是咱得到知識的一種方法，但是咱愛了解這絕對不是唯一的一種方法，一定愛針對每一個人的特性，選擇尚介適當的方法才對，這也親像醫生斷症，哪無對症下藥，吃卡濟的藥仔，馬是無彩工。

　　話擱講轉來，囝仔人若是免上課，恐驚給人感覺尚過自由，一旦放蕩落去，將來一定撿腳，有的囝仔無上課，就走去街仔路賴賴蛇，學做歹，免上課就不知影去學校要做啥，像這款學物件無目標，免讀冊顛倒害歸陣囝仔不知要做啥？真正是佼倖哦！

　　那準囝仔免上課應該是真好的代誌，但是一定愛有歸套的周全計畫，給阮有一款無同的學習過程，給阮感覺心適，給阮真正有興趣，給阮不免擱再煩惱考試，尚重要的，還阮一個快樂的童年，給阮永遠會凍歡歡喜喜。