坐置教室內底

作者：趙OO 老師

　　阮一班有真多足愛運動的同學，逐屆下課的時陣，逐家就趕緊衝到運動埕，先甲位佔起來，通好做陣玩球。不擱短短的十分鐘，真緊又擱買上課啊！逐家沒法度，流甲歸身軀的臭汗，馬是愛返去教室內底，準備上課。一寡仔蠻皮的囝仔，心內不甘願，想空想縫，買糟踢老師，影響逐家上課。

　　好家在！阮老師的性地卡實好。到底有外好，我這陣就講給恁知。阮到擔攏不識看伊起歹，逐工笑咳咳，常常講一寡仔笑虧的代誌分阮笑，伊的笑話是歸牛車，講攏講袂煞，逐家聽了攏感覺足心適咧。坐置教室內底，聽老師講課，實在馬是不壞。剛上課，有真多的同學都啊玩甲大粒汗細粒汗，喘病病就隨坐落來。老師會甲因講，逐家不通安呢，那無去煞到就不好。講甲有的同學感覺真歹勢，有的同學喚講嘴乾想要喝茶，老師馬是準因。也有的同學同款真踢啦，上課不上擱爹縱筷人，真正有影足無斬節。

　　這個時陣老師雄雄大聲喚一下：「你爹縱啥米！給我恬恬！」這聲不輸陳雷公迄大聲，大家一時煞著青驚。心肝內爹想，這個同學死定啊，誰人叫伊一日到暗全全齣頭，變鬼變怪，難怪這屆老師要抓狂。老師恬恬行過來，現場的氣氛愈來是愈緊張，愈來愈精采，雖然我不是主角，心肝內猶原咧批頗采。這個同學真正是「七月半鴨子不知死活」，也買招厝邊隔壁鬥陣唱歌：「啊！啥米攏不驚。啊！向前走。」誰知影，劇情完全沒照我臆的劇本去行，顛倒是沒代誌。老師僅僅搭著伊的肩袷頭，教伊坐的好，老師要開始上課啊。

　　做一個學生囝仔，坐置教室內底，就愛乖乖，絕對不通莽撞黑白來。老師置黑板頭前教阮讀冊，常常講甲嘴角全沫，尚驚學生無攏斟酌聽，黑白陣動。不擱我的心肝，常常會飛出去窗阿門外口，置迄甲別人佚陶，有的同學講我看起來憨神憨神，老師有時陣馬會感覺我甲別人無三相同，伊就問我敢是破病，我有時甲應講是，其實攏是講白賊。今仔日，我知影對老師真失禮，今仔日，我感覺對老師真歹勢，無論安怎坐置咧教室內底，袂凍無大無細，規規矩矩認
真聽老師的教示，安呢，對老師教學的辛勞，才有交代，才是應該。