我是今仔日的值日生

 作者：趙OO 老師

    卡早，我不知影值日生是愛做什麼代誌，常常快要換甲我做的時陣，我攏緊張甲歸暝睏袂去。媽媽笑笑甲我講，做值日生只是小許代誌，雖然有淡薄仔無閒，可能要佔用著下課歇睏的時間，不擱替全班的同學服務，實在是一項真有意義的工作，伊叫我不通驚甘苦，應該用學習的心晟，來接受這款的磨練。

    
    自那天起，我做值日生就變甲非常認真，黑板攏擦甲真清氣，粉筆嗎排甲真整齊，連洗垃圾桶的時陣，同款不敢凊采；我擱常常走去問老師，有什麼代誌愛做，老師攏呵咾我真乖、真識代誌。伊講我是伊教過的學生內底，尚介骨力的，叫所有的同學，愛甲我學習。我聽了，心內是足歡喜的。

   
    今仔日又擱換我做值日生，透早我就足有精神，親像是有什麼喜事同款；前腳剛踏入教室，我就忙碌找看有什麼工作愛做，歸間教室找透透，好像也沒需要我的所在，只好慢慢啊等甲，等甲老師講課到一個坎站，就是我表演的時陣。我的腳手真魅掠，真快就甲黑板擦甲清氣擔擔，下課了，一陣同學要招我去運動埕佚陶，我想講真不簡單才輪到一工做值日生，應該留置教室內，看也有兜位骯髒，需要我拼掃，也是桌仔、椅仔歪去啦，都好趁這個時陣擺乎好，安呢等會兒，大家入來上課，一定會感覺卡舒適，讀冊的效果一定會卡好。哪想到遮，我馬會感覺是做一件好代誌，心肝頭真爽快。